ESPN 偵查報導，指出 NBA 喺中國大陸有三個訓練中心 Academies，由美國派 NBA 教練去指導當地小童，從小接受專業籃球訓練，目的就係要發掘下一個姚明，其中一個中心係人權問題惡名昭彰的新彊。
多名不願意具名接受訪問嘅已離職教練指出，訓練中心入面對小童嘅體罰嚴重，多次將籃球掉向維吾爾族小童，並用腳踢，當地人指出體罰喺中國極為普遍，而且係「愛同關懷」的象徵。而 NBA 與中國大陸當地的協議入面明確提到要為受訓小童提供教育，教導英文、數學、運動心理學等，但最終所有學童並無接受任何教育，甚至係「無王管」嘅狀態，當中有小至 13 歲的小童，連瞓覺、食飯都無。中心內居住環境惡劣，本身兩人的宿舍房間，最多瞓 8-10 名運動員；更有前僱員比喻新彊訓練中心為「二戰時的德國」“World War II Germany”。
對於 NBA 訓練中心的批評與人權問題，多名教練曾作出投訴但都係石沉大海，並無任何結果，NBA 副總裁兼營運總監 Tatum 回應查詢時多次迴避有關教育中心內嘅人權問題同對學童嘅暴力對待，只係重申 2019 年已經關閉新彊訓練中心，並承認 NBA 對中國國內訓練中心嘅監管非常有限，並無能力去改變訓練中心的內部運作。
NBA 因為姚明的關係，打入中國龐大市場，一直對中國國內如新彊、香港人權自由民主問題採取迴避態度，禁止 NBA 場館內任何 T-shirt 展示支持香港、新彊的字句，但對美國本土人權問題如 Black Lives Matter 則非常積極，多名球星炮轟特朗普政府取態與國內種族歧視問題，但無視新彊內部對維吾爾族的壓迫與種族滅絕，係徹頭徹尾的雙重標準：邏輯好簡單，得罪美國政府唔會遭到封殺和報復，但得罪中共則等同自絕於十四億人市場與金錢利益。呢種雙重標準取態比起完全無視所有人權問題，只專注搵錢的人更加可恥。
請問 Lebron James 對 NBA 新彊訓練中心內對學員的暴力對待係咪表示支持？係咪覺得體罰同剝削適齡兒童的教育機會係適當、維護人權的做法？
最後，重溫多次 Tatum NBA 的價值觀：
“I’ll tell you what the NBA stands for: The values of the NBA are about respect, are about inclusion, are about diversity. That is what we stand for.”
「NBA 的價值在於尊重，在於包容與多元，這些是我們代表的價值觀。」
講得出呢句，面不紅，氣不喘，無恥中的無恥。為金錢出賣靈魂的人從來都不分國籍與種族，只係個價有幾高，手法有幾低。
（標題為編輯所擬）
July 31, 2020 at 01:15PM
https://ift.tt/39IpueC
NBA 無視兒童運動員遭虐ㅤ雙重標準更見可恥| 徐然 - 立場新聞
https://ift.tt/2C8HyBY
No comments:
Post a Comment